ਮੁੰਬਈ  : ਬਾਲੀਵੁੱਡ ਦੇ ਇਕ ਚਮਕਦਾਰ ਸਿਤਾਰਿਆਂ 'ਚੋਂ ਇਕ ਸੁਸ਼ਾਂਤ ਸਿੰਘ ਰਾਜਪੂਤ ਦੀ ਮੌਤ ਬਾਰੇ ਹੈਰਾਨ ਕਰਨ ਵਾਲੀਆਂ ਗੱਲਾਂ ਰੋਜ਼ਾਨਾ ਸਾਹਮਣੇ ਆ ਰਹੀਆਂ ਹਨ। ਸੀ. ਬੀ. ਆਈ. ਨੇ ਕੇਸ ਦੀ ਜਾਂਚ ਲਈ ਰਿਆ ਚੱਕਰਵਰਤੀ ਅਤੇ ਉਸ ਦੇ ਪਰਿਵਾਰ ਖ਼ਿਲਾਫ਼ ਕੇਸ ਦਰਜ ਕੀਤਾ ਹੈ ਪਰ ਇਸ ਦੌਰਾਨ, ਇਹ ਮਹੱਤਵਪੂਰਣ ਚੀਜ਼ ਹੱਥ ਲੱਗੀ ਹੈ, ਜੋ ਕੇਸ ਨੂੰ ਸੁਲਝਾਉਣ 'ਚ ਮਦਦ ਕਰ ਸਕਦੀ ਹੈ। ਸੁਸ਼ਾਂਤ ਦੀ ਪਰਸਨਲ ਡਾਇਰੀ ਹੱਥ ਲੱਗੀ ਹੈ, ਜਿਸ 'ਚ ਉਹ ਆਪਣੇ ਨਿੱਜੀ ਤਜ਼ਰੁਬਾ ਅਤੇ ਅੱਗੇ ਦੀ ਯੋਜਨਾ ਬਾਰੇ ਲਿਖਿਆ ਕਰਦੇ ਸਨ ਪਰ ਡਾਇਰੀ ਦੇ ਕੁੱਝ ਪੰਨੇ ਗਾਇਬ ਹਨ।
ਕੇ ਕੇ ਸਿੰਘ ਦੇ ਵਕੀਲ ਵਿਕਾਸ ਸਿੰਘ, ਸੁਸ਼ਾਂਤ ਸਿੰਘ ਰਾਜਪੂਤ ਦੇ ਪਿਤਾ ਨੇ ਇਸ ਡਾਇਰੀ ਦਾ ਜ਼ਿਕਰ ਕੀਤਾ ਹੈ, ਉਨ੍ਹਾਂ ਕਿਹਾ ਕਿ ਡਾਇਰੀ ਮਿਲਣ ਤੋਂ ਬਾਅਦ ਬਹੁਤ ਸਾਰੇ ਰਾਜ਼ ਸਾਹਮਣੇ ਆ ਸਕਦੇ ਹਨ। ਟਾਈਮਜ਼ ਨਾਓ ਨੇ ਦਾਅਵਾ ਕੀਤਾ ਕਿ ਇਸ ਨੇ ਸੁਸ਼ਾਂਤ ਦੀ ਨਿੱਜੀ ਡਾਇਰੀ ਲੱਭੀ ਹੈ, ਜਿਸ ਦੇ ਪੰਨੇ ਫਟੇ ਹੋਏ ਹਨ। ਚੈਨਲ ਦਾ ਦਾਅਵਾ ਹੈ ਕਿ ਡਾਇਰੀ 'ਚ ਇੱਕ ਨਾਮ ਦਾ ਜ਼ਿਕਰ ਹੈ, ਜਿਸ ਤੋਂ ਬਾਅਦ ਪੰਨੇ ਗਾਇਬ ਹੋ ਗਏ ਹਨ, ਜੋ ਇਕ ਵਾਰ ਫ਼ਿਰ ਮੁੰਬਈ ਪੁਲਸ ਦੀ ਕਾਰਵਾਈ 'ਤੇ ਸਵਾਲ ਉਠਾ ਰਹੀ ਹੈ।
ਸੁਸ਼ਾਂਤ ਦੀ ਸਾਬਕਾ ਪ੍ਰੇਮਿਕਾ ਅੰਕਿਤਾ ਲੋਖੰਡੇ ਨੇ ਵੀ ਆਪਣੇ ਤਾਜ਼ਾ ਇੰਟਰਵਿਊ 'ਚ ਕਿਹਾ ਸੀ ਕਿ ਸੁਸ਼ਾਂਤ ਨਿੱਜੀ ਡਾਇਰੀਆਂ ਲਿਖਦੇ ਸਨ। ਅੰਕਿਤਾ ਨੇ ਉਦੋਂ ਦੱਸਿਆ ਸੀ ਕਿ ਜਦੋਂ ਸੁਸ਼ਾਂਤ ਉਸ ਦੇ ਨਾਲ ਸੀ, ਉਸ ਨੇ ਡਾਇਰੀ 'ਚ ਆਉਣ ਵਾਲੇ ਪੰਜ ਸਾਲਾਂ ਲਈ ਯੋਜਨਾ ਬਣਾਈ ਸੀ ਅਤੇ ਅਗਲੇ ਪੰਜ ਸਾਲਾਂ 'ਚ ਉਸ ਨੇ ਕੰਮ ਵੀ ਕੀਤਾ ਸੀ।