ਕੈਲਗਰੀ ਨਗਰ ਕੌਂਸਲ 'ਚ ਪੰਜਾਬੀ ਮੂਲ ਦੀ ਪਹਿਲੀ ਵਾਰ ਮੇਅਰ ਬਣੀ ਔਰਤ ਨੇ ਚੁੱਕੀ ਸਹੁੰ ਅਤੇ ਚਾਰਜ ਸੰਭਾਲਿਆ
ਕੈਲਗਰੀ -ਕੈਲਗਰੀ ਨਗਰ ਕੌਸਲ ਦੀਆਂ ਹੋਈਆ ਚੋਣਾਂ ਵਿਚ ਪੰਜਾਬੀ ਮੂਲ ਦੀ ਮੇਅਰ ਬਣੀ ਪਹਿਲੀ ਔਰਤ ਜੋਤੀ ਗੌਂਡੇਕ ਨੇ ਸਹੁੰ ਚੁੱਕ ਕੇ ਆਪਣਾ ਚਾਰਜ ਸੰਭਾਲ ਲਿਆ ਹੈ | ਮੇਅਰ ਜੋਤੀ ਗੌਂਡੇਕ ਨੂੰ ਸਹੁੰ ਚੁਕਾਉਣ ਦੀ ਰਸਮ ਜਸਟਿਸ ਜੌਨ ਰੂਕੇ ਨੇ ਹਾਜ਼ਰ ਸਾਰੇ ਕੌਂਸਲਰਾਂ ਦੀ ਮੌਜੂਦਗੀ 'ਚ ਕੀਤੀ | ਇਸ ਸਮੇਂ ਮੇਅਰ ਜੋਤੀ ਗੌਂਡੇਕ ਨੇ ਕੁੱਲ 14 ਕੌਂਸਲਰਾਂ 'ਚੋ 13 ਕੌਂਸਲਰਾਂ ਨੂੰ ਸਹੁੰ ਚੁਕਾਈ | ਇਸ ਸਮੇਂ ਵਾਰਡ 4 ਤੋਂ ਤੀਜੀ ਵਾਰ ਕੌਂਸਲਰ ਬਣੇ ਸੀਨ ਚੂ ਨੂੰ ਮੇਅਰ ਵਲੋਂ ਸਹੁੰ ਇਸ ਕਰਕੇ ਨਹੀਂ ਚੁਕਾਈ ਗਈ ਕਿ ਉਸ ਉੱਤੇ ਤਕਰੀਨ 20 ਸਾਲ ਪਹਿਲਾਂ 16 ਸਾਲਾਂ ਲੜਕੀ ਨਾਲ ਜਬਰ-ਜਨਾਹ ਕਰਨ ਦੇ ਹੁਣ ਦੋਸ਼ ਲੱਗੇ ਹਨ | ਇਸ ਨੂੰ ਸਹੁੰ ਜਸਟਿਸ ਜੌਨ ਰੂਕੇ ਵੱਲੋ ਹੀ ਚੁਕਾਈ ਗਈ ਹੈ | ਕੌਂਸਲਰ ਸੀਨ ਚੂ ਦੇ ਸਮਰਥਕਾਂ ਵਲੋਂ ਉਸ ਦੇ ਹੱਕ ਵਿਚ ਪ੍ਰਦਰਸ਼ਨ ਕੀਤਾ ਗਿਆ ਹੈ | ਜਦਕਿ ਦੂਜੀ ਧਿਰ ਵਲੋਂ ਉਸ ਦੇ ਵਿਰੁੱਧ ਪ੍ਰਦਰਸ਼ਨ ਕੀਤਾ ਗਿਆ |