ਨਵੀਂ ਦਿੱਲੀ : ਦਿੱਗਜ ਪਹਿਲਵਾਨ ਬੀਬੀ ਬਬੀਤਾ ਫੋਗਾਟ ਨੇ ਕਿਹਾ ਹੈ ਕਿ ਬਾਲੀਵੁੱਡ ਵਿਚ ਉਭੱਰਦੇ ਸਿਤਾਰਿਆਂ ਨੂੰ ਨਸ਼ੇ ਦੀ ਲਤ ਲਗਾਈ ਜਾ ਰਹੀ ਹੈ ਅਤੇ ਸੰਸਦ ਮੈਂਬਰ ਅਤੇ ਅਦਾਕਾਰਾ ਜਯਾ ਬੱਚਨ ਨੂੰ ਥਾਲੀ ਦੀ ਚਿੰਤਾ ਹੈ। ਮਸ਼ਹੂਰ ਅਦਾਕਾਰਾ ਅਤੇ ਹੁਣ ਗੋਰਖਪੁਰ ਤੋਂ ਸੰਸਦ ਮੈਂਬਰ ਰਵੀ ਕਿਸ਼ਨ ਨੇ ਲੋਕਸਭਾ ਵਿਚ ਦੇਸ਼ ਦੇ ਨੌਜਵਾਨਾਂ ਨੂੰ ਡਰੱਗਜ਼ ਤੋਂ ਬਚਾਉਣ ਦੀ ਅਪੀਲ ਕੀਤੀ ਸੀ।
ਇਸ ਦੌਰਾਨ ਬਬੀਤਾ ਫੋਗਾਟ ਨੇ ਵੀ ਸੋਸ਼ਲ ਮੀਡੀਆ 'ਤੇ ਆਪਣੀ ਰਾਏ ਰੱਖੀ ਹੈ। ਬਬੀਤਾ ਨੇ ਕਿਹਾ, 'ਰਵੀ ਕਿਸ਼ਨ ਜੀ ਨੇ ਸੰਸਦ ਵਿਚ ਬਹੁਤ ਚੰਗਾ ਮੁੱਦਾ ਚੁੱਕਿਆ ਸੀ, ਜਯਾ ਜੀ ਸਮੇਤ ਸਾਰੇ ਕਲਾਕਾਰ ਸੰਸਦ ਮੈਂਬਰਾਂ ਨੂੰ ਇਨ੍ਹਾਂ ਦਾ ਸਮਰਥਨ ਕਰਣਾ ਚਾਹੀਦਾ ਸੀ। ਉਭੱਰਦੇ ਕਲਾਕਾਰਾਂ ਨੂੰ ਨਸ਼ੇ ਦੀ ਲਤ ਲਗਾਈ ਜਾ ਰਹੀ ਹੈ ਅਤੇ ਜਯਾ ਜੀ ਨੂੰ ਸਿਰਫ਼ ਥਾਲੀ ਦੀ ਚਿੰਤਾ ਹੈ। ਰਾਜਨੀਤੀ ਤੋਂ ਪਰੇ ਜਾ ਕੇ ਸਾਰਿਆਂ ਨੂੰ ਨਸ਼ੇ ਦੇ ਵਪਾਰ ਦਾ ਵਿਰੋਧ ਕਰਣਾ ਚਾਹੀਦਾ ਹੈ।' 2014 ਕਾਮਨਵੈਲਥ ਗੇਮਜ਼ ਦੀ ਗੋਲਡ ਮੈਡਲਿਸਟ ਬਬੀਤਾ ਦਾ ਇਹ ਟਵੀਟ ਸੋਸ਼ਲ ਮੀਡੀਆ 'ਤੇ ਕਾਫ਼ੀ ਵਾਇਰਲ ਹੋ ਰਿਹਾ ਹੈ। ਇਸ ਟਵੀਟ ਨੂੰ ਹੁਣ ਤੱਕ ਕਰੀਬ 4.5 ਹਜ਼ਾਰ ਯੂਜਰਸ ਨੇ ਰੀਟਵੀਟ ਕੀਤਾ ਅਤੇ 18 ਹਜ਼ਾਰ ਤੋਂ ਜ਼ਿਆਦਾ ਲੋਕ ਲਾਈਕ ਕਰ ਚੁੱਕੇ ਹਨ।
ਇਸ ਦੌਰਾਨ ਰਵੀ ਕਿਸ਼ਨ ਨੇ ਕਵਿਤਾ ਵਾਲੇ ਅੰਦਾਜ ਵਿਚ ਬੁੱਧਵਾਰ ਸਵੇਰੇ ਟਵੀਟ ਕੀਤਾ, 'ਰੋਕ ਦੋ ਨਸ਼ੇ ਦੇ ਦਰਿਆ ਵਿਚ, ਵਗਦੇ ਹੋਏ ਪਾਣੀ ਨੂੰ। ਅਜੇ ਵੀ ਸਮਾਂ ਹੈ, ਬਚਾ ਲਓ ਦੇਸ਼ ਦੀ ਜਵਾਨੀ ਨੂੰ। ਸਮਾਂ ਰਹਿੰਦੇ ਜੇ ਨਾ ਜਗੇ ਤੁਸੀਂ, ਤਾਂ ਅਨਰਥ ਹੋ ਜਾਵੇਗਾ। ਨਸ਼ੇ ਦੀ ਲੱਤ ਨਾਲ ਤੁਹਾਡਾ, ਸਾਰਾ ਜੀਵਨ ਵਿਅਰਥ ਹੋ ਜਾਵੇਗਾ।'