ਸ਼ੇਅਰ ਬਾਜ਼ਾਰ ਚ ਅੱਜ ਆਈ ਗਿਰਾਵਟ, ਸੈਂਸੈਕਸ 46000 ਦੇ ਹੇਠਾਂ ਖੁੱਲ੍ਹਿਆ
ਮੁੰਬਈ — ਰਿਕਾਰਡ ਪੱਧਰ 'ਤੇ ਪਹੁੰਚਣ ਤੋਂ ਬਾਅਦ ਅੱਜ ਸਟਾਕ ਮਾਰਕੀਟ ਹਫਤੇ ਦੇ ਚੌਥੇ ਕਾਰੋਬਾਰੀ ਦਿਨ ਯਾਨੀ ਵੀਰਵਾਰ ਨੂੰ ਗਿਰਾਵਟ ਨਾਲ ਖੁੱਲ੍ਹਿਆ। ਬੰਬਈ ਸਟਾਕ ਐਕਸਚੇਂਜ ਦਾ ਫਲੈਗਸ਼ਿਪ ਇੰਡੈਕਸ ਸੈਂਸੈਕਸ 104.08 ਅੰਕ ਭਾਵ 0.23 ਪ੍ਰਤੀਸ਼ਤ ਦੀ ਗਿਰਾਵਟ ਨਾਲ 45,999.42 ਦੇ ਪੱਧਰ 'ਤੇ ਖੁੱਲ੍ਹਿਆ ਹੈ। ਨੈਸ਼ਨਲ ਸਟਾਕ ਐਕਸਚੇਂਜ ਦਾ ਨਿਫਟੀ 40.60 ਅੰਕ ਭਾਵ 0.30% ਦੀ ਗਿਰਾਵਟ ਦੇ ਨਾਲ 13,488.50 ਦੇ ਪੱਧਰ 'ਤੇ ਸ਼ੁਰੂ ਹੋਇਆ।
8 ਅਕਤੂਬਰ ਨੂੰ ਸੈਂਸੈਕਸ 40 ਹਜ਼ਾਰ ਦੇ ਪਾਰ 40,182 'ਤੇ ਪਹੁੰਚ ਗਿਆ ਸੀ। ਇਸ ਦੇ ਬਾਅਦ 5 ਨਵੰਬਰ ਨੂੰ ਸੈਂਸੈਕਸ 41,340 'ਤੇ ਬੰਦ ਹੋਇਆ। 10 ਨਵੰਬਰ ਨੂੰ ਇੰਟਰਾਡੇਅ ਵਿਚ ਇੰਡੈਕਸ ਦਾ 43,227 'ਤੇ ਪਹੁੰਚ ਗਿਆ। ਇਹ 18 ਨਵੰਬਰ ਨੂੰ 44180 ਅਤੇ 4 ਦਸੰਬਰ ਨੂੰ 45000 ਦਾ ਅੰਕੜਾ ਪਾਰ ਕਰ ਗਿਆ।
.png)
